Автор: Олунньу ыйга библиотека иһинэн араас тэрээһиннэр ыытылыннылар.
Ол курдук олунньу 13 күнүгэр Саха тылын суругун-бичигин күнүгэр аналлаах республиканскай «Сахалыы дьыктаан» акцияҕа кыттыһан олохтоох библиотекаҕа дьыктаан суруйдубут. Быйылгы дьыктаан биллиилээх саха классик суруйааччыта Неустроев Н.Д. 125 сааһыгар ананан, суруйааччы «Балыксыт» кэпсээниттэн быһа тардыыны суруйдубут. Барыта 16 киһи кыттыыны ылла. Тиэкиһи Бөтүҥ орто оскуолатын алын кылаас учуутала Сивцева Мария Валерьевна ааҕан суруйтарда. « Бастыҥтан бастыҥ суруксут» Ольга Макарова, «Бастын суруксут» Матрена Рожина, «Үчүгэй суруксут» Татьяна Кириллина буоланнар добун суругунан бэлиэтэннилэр, бары кыттааччыларга Туоһу сурук туттарылынна
Олунньу 22 күнүгэр Аҕа дойдуну көмүскээччилэр күннэригэр аналлаах нэһилиэкпит күүстээх аҥаардарыгар дьахтар сэбиэтэ, культура киинин улэһиттэрин кытта 7 станциялаах Квест оонньуу тэрийэн ыыттыбыт. Барыта 5 хамаанда кыттыыны ылла. Хамаандалар массыынанан сылдьан эрэн араас сорудахтары толордулар. Олохтоох библиотека Кыайыы 75 сылыгар аналлаах викторина ыыттыбыт. Түмүккэ орто оскуола эр дьоннорун 2 хамаандата кыайыылааҕынан таҕыста.
Олунньу 24 күнүгэр С.П. Оконешников аатынан «Айылгы» культуура киинэ хоту зона женсоветтарын көрсүһүүутэ буолан ааста. Көрсүһүү Улуу Кыайыы 75 сылыгар аналлаах эстафета чэрчитинэн ыытылынна. Ыалдьыттарбытыгар анаан КВИЗ интеллектуальнай оонньуу ыыттыбыт. Оонньуубут 5 түһүмэхтээх (викторина, «Ырыаны таай», «Сэрии тематыгар аналлаах киинэлэр», Патриотизм диэн тылтан тыллары таһаарыы, бэриллибит тыллартан хоһоон айыыта). Түмүккэ Хатыҥ-Арыы женсоветын хамаандата кыайыылааҕынан тахсан дипломунан, минньигэс тордунан наҕараадаланна.
Валентина Колесова,
Бөтүҥ олохтоох модельнай библиотекатын сэбиэдиссэйэ
