18.04.2024

Василий Васильевич Колмогоров 80 сааһын бэлиэтиир үөрүлээх тэрээһин

Ахсынньы 19 күнүгэр, М.К. Аммосов аатынан култуура уонна духуобунай сайдыы дыбарыаһыгар Российскай Федерация юстициятын бастакы кылаастаах судаарыстыбаннай советнига, генерал-полковнига, Российскай Федерация уонна Саха Өрөспүүбүлүкэтин үтүөлээх юриһа, борокуратуура уонна силиэстийэлиир органнар бэтэрээннэрэ, Кэбээйи уонна Нам улууһун Ытык киһитэ, Максим Кирович Аммосов аатынан Саха Өрөспүүбүлүкэтин судаарыстыбаннай бириэмийэтин лауреата Колмогоров Василий Васильевич  80 сааһын бэлиэтиир үөрүүлээх тэрээһин буолан ааста. Н.М. Рыкунов аатынан Намнааҕы киин модельнай библиотека бастакы этээс фойетыгар «Государство дьоһун  киһитэ» кинигэ быстапкатын туруорда. Быыстапка  Василий Васильевич Колмогоров олоҕун, үлэтин сырдатар ис хоһооннох түһүмэхтэртэн турда: “Биһиги ситиһиибит – Эһиги ситиһиигит” —  Василий Васильевич төрөппүттэригэр ананар  — буойун-учуутал, советскай-партийнай үлэһит Василий Егорович Колмогоров уонна бэтэрээн учуутал, РСФСР норуотун үөрэҕириитин туйгуна Мария Ивановна Колмогорова иккиэн олохторун эдэр көлүөнэни үөрэтиигэ уонна иитиигэ анаабыттарын туһунан, “Олоххо таптал дьиҥнээх туоһута» — кини тапталлаах кэргэнэ, олоҕун аргыһа Людмила Ивановна,  «Сокуон, көмүскэл — барыбытыгар, кыһамньы — хас биирдиибитигэр» үлэтин сырдатар, «Норуоттуун бииргэ» — Саха Республикатыгар Президент дуоһунаһыгар кандидатка турбутун кэпсиир.

Бу быыстапканы библиотекаҕа кэлэн көрүҥ, элбэҕи билиҥ!

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять