РУБРИКАТОР
Дьяконов Петр Афанасьевич
Сэрии, үлэ, тыыл бэтэрээнэ. 1918 сыллаахха Нам улууһун Арбын нэһилиэгэр Тыыллыма аҕатын ууһугар бааһынай ыал кэргэнигэр төрөөбүтэ.
1931 сыллаахха саҥа аһыллыбыт Арбын начаалынай оскуолатыгар үөрэнэ киирбитэ. 1934 сыллаахха ыам ыйыгар 4 кылаастаах оскуоланы бүтэрбитэ. 1934-1935 сылларга Ликпууҥҥа учууталлаабыта. 1935-1936 сылларга Арбын нэһилиэгэр Сэбиэт сэкирэтээринэн үлэлээбитэ. 1937-1941 сылларга диэри «Үүнэр олох» холкуоска бухгалтерынан үлэлээбитэ.
1941 сыллаахха от ыйыгар сэриигэ ыҥырыллан барбыта. 1947 с. дойдутугар эргиллэн кэлбитэ.
1947 сыллаахха ахсынньы ыйтан «Комминтерн» холкуоска урукку идэтинэн, главнай бухгалтерынан үлэлээбитэ. 1951 сылтан бөдөҥсүйбүт «Коммунизм» холкуоска 1973 сыллаахха диэри, пенсияҕа тахсыар диэри, главнай бухгалтерынан эҥкилэ суох үлэлээбитэ. Пенсияҕа 1987 сыллаахха тахсыбыта уонна сопхуоска кочегарынан, сайынын от үлэтигэр үлэлээбитэ. 1965-1967 сс. Көбөкөн олохтоох Сэбиэтин бэрэссэдээтэлин сэкирэтээринэн солбукка үлэлээбитэ. 7 ыҥырыыга олохтоох Сэбиэккэ депутатынан быыбардаммыта. 1958-1959 сс. партийнай тэрилтэ сэкирэтээринэн үлэлээбитэ. 8 оҕолоох улахан дьиэ кэргэн аҕа баһылыга этэ. Билигин сиэннэрэ, хос сиэннэрэ кини олоҕун салгыыллар.
Аҕа дойду сэриитин 1, 2 степеннээх уордьанынан, 2 төгүл Оборона министрин бэлиэтинэн, 6 «Аҕа дойду Улуу сэриитин», «Үлэ бэтэрээнэ» мэтээллэринэн, Партия райкомун, райисполкомун Бочуотунай грамоталарынан, хаста да харчынан бириэмийэни ылбыта. Обшественнай-политическай үлэҕэ активнайдык кыттан дипломнарынан, сыаналаах бэлэхтэринэн наҕараадаламмыта.
Мичил Матчитов,
8 кылаас үөрэнээччитэ
.