РУБРИКАТОР
Кайгородов Алексей Афанасьевич
1919 сыллаахха Бөтүҥ нэһилиэгэр төрөөбүтэ. 1941 сыл бэс ыйыгар бастакы хомуурга Дьокуускай военкоматын ыҥырыытынан сэриигэ аттаммыта. От ыйын 1 чыыһылатыгар, 1941 сыллаахха иккис саппаас кавалерийскай полкаҕа кавалериһынан ананар. 1943 сылтан 1945 сылга диэри 6-с Гвардейскай кавалерийскай полкаҕа, онтон 1945 сыл кулун тутар ыйыттан 1946 сыл ыам ыйыгар диэри 1-гы Гвардейскай кавалерийскай полкаҕа кавалеристыыр. Дойдутугар 1946 сыллаахха эргиллэн кэлэн эйэлээх олоҕу уһансыбыта.
Наҕараадалара: Кыһыл Сулус орден, Аҕа дойду Сэриитин ордена, «Германияны кыайыы иһин» мэтээл.