РУБРИКАТОР
Колесов Михаил Яковлевич
1921 сыллаахха бэс ыйын 19 күнүгэр 2-с Модут нэһилиэгэр төрөөбүт. Советскай Армия кэккэтигэр 1942 сыллаахха Нам улууһугар райсовекка үлэлии сылдьан бэйэтэ көрдөһөн барбыта. Армияҕа баран Челябинскай куоракка тиийэн полковой оскуолаҕа үөрэммит. Полковой оскуоланы бүтэрэн баран, боевой политическай бэлэмиҥ үчүгэй диэн Ураллааҕы военнай уокурук штабыгар ССКП кандидатынан ылбыттара. Салгыы кинини Челябинскайга баар 18-с десантнай биригээдэҕэ ыыппыттара, итиннэ командирынан сылдьыбыта. 1943 сыл муус устар ыйтан 4-с гвардейскай мотострелковай биригээдэ буолбуттара.
От ыйын маҥнайгы күнүттэн биһиги чаастарбыт инники кирбиитигэр кэлбитэ уонна сотору сэриигэ киирбитэ. Сэрии маҥнайгы күннэригэр Донбасс оройуонугар Дмитриевка диэн сэлиэнньэттэн саҕалаан өстөех оборонатын алдьатан кимэн киириигэ киирбиттэрэ. Ордук суостаах кыргыһыы от ыйын 29 күнүгэр Степановкаҕа буолбута, онно Михаил Яковлевич ыараханнык бааһырбыта. Гвардия сержана званиелаах. Москва куоракка Кыайыы 60 сыллаах парадыгар кыттыыны ылбыта.
Наҕараадалара: Аҕа дойду Сэриитин II степеннээх ордена. Мэтээллэр: «Хорсунун иһин», «Германияны кыайыы иһин».