РУБРИКАТОР
НОВИКОВ ИВАН ИВАНОВИЧ
Ахтыы
Мин абаҕам улахан уола Уйбаан 1926 сыллаахха «Кыһыл талаһа» артыалга төрөөбүтэ. Холкуос тэриллибитин кэннэ 1933 сыллаахха Максим Кирович Аммосов туттарбыт улахан оскуолатыгар, соҕуруу Хатырыкка үөрэммит. 7 кылааһы бүтэрэн баран оччотооҕу оҕолор курдук холкуос үлэтигэр үлэлээбит. Сэрии буолбутун кэннэ Ааллаах Үүҥҥэ таһаҕас таһыытыгар улахан дьону кытта сылдьан, кинилэртэн үөрэнэн, кэнники бэйэтэ сылдьыбыт. Аҕыйах ыйдаах кууруска үөрэнэн «Каганович» холкуоска маҕаһыыҥҥа продавецтаабыта. Ону өйдүүбүн, мин маҕаһыыҥҥа кэллэхпинэ таас кэмпиэт (лампысыай) уонна кыратык синньигэс хопчуонай халбаһыы быһан ыйааһыҥҥа ыйаан биэрэр этэ. Убайым куруук өтүүгүнэн таҥаһын өтүүктүүрэ. Мин кыра эрдэхпинэ биир сыл дьукаах олорбуппут. Онтон Прядезников Василийдаах саха дьиэтин атыылаһан онно көспүппүт.
Урут хас бырааһынньык аайы кэнсиэр, испэктээкил көрдөрөллөрө. Онно убайым актыыбынай кыттааччы этэ. Уопсайынан, «Каганович» холкуос ыччаттара бары олус көхтөөх этилэрэ, үлэҕэ эмиэ биир оннук.
Кэлин субай сүөһүгэ биригэдьииринэн үлэлээбитэ. 1951 сыллаахха, бөдөҥсүтүү саҕана, «Каганович» холкуос Модуту кытга холбоспута, онно убайым эмиэ биригэдьииринэн үлэлээбитэ. Кини олус үчүгэй памяттаах этэ. Биригэдьиирдии сылдьан субай сүөһүлэрин дьүһүннэрин бостууктардааҕар ордук билэр этэ. Биригэдьиирбин диэн олорбот, бостууктары кытта түүннэри-күнүстэри тэҥнэ сылдьара. Күһүҥҥү аахсыыга сүөһүлэрин туруктара үрдүк суортааҕынан государствоҕа туттараллара. Нэһилиэк үлэтигэр барытыгар кыттара, олус общественник этэ.
Модукка кулуупка үлэлии кэлбит 4 оҕолоох Дьячковская Елена Романовнаны кэргэн ьыбыта. Елена Романовна/зыын убайым 5 оҕоломмута, онон 9 оҕону иитэн үлэһит дьон оҥорбуттара. Улахан кыыстара Екатерина Ивановна куоракка Медцентрга үлэлиир, улахан уол Захар Иванович улуустааҕы тыа хаһаайыстыбатын управлениетын кылаабынай агронома, орто уол Модукка үлэлиир, олорор. Аччыгый кыыс Мария Ивановна үп-казначейство управлеҥиетыгар начальник солбуйааччыта. Аччыгый уол Роман Иванович Модукка сиэмэ үүннэрээччинэн үлэлиир. Убайым бииргэ терөөбүт быраата Новиков Степан Иванович баара буоллар 70 сааһын ааһан эрэр буолуо этэ. Кини онус кылааһы бүтэрэн баран производствоҕа 2 сыл үлэлээн баран электромонтер үөрэҕэр барбыта. Үөрэҕин бүтэрэн, кэргэннэнэн Модукка олорон үлэлээбитэ, икки уол оҕоломмута. Үлэлии сылдьан быстахха оһолго түбэһэн өлбүтэ. Оҕолорутган улахан уол Анатолий Степанович Түбэҕэ олорор, үлэлиир. Кыра уол Иван Степанович улуустааҕы сынньалаҥ киинигэр режиссердуур.
Убайдарым туһунан кылгас ахтыым итинник.
Ахтыыны суруйда С.Я. Дьяконова,
олунньу 28 күнэ, 2007 с.