РУБРИКАТОР
РЫКУНОВ ФЕДОР ИВАНОВИЧ
(1914-1967)
Рыкунов Федор Иванович I Хомустаах нэһилиэгэр төрөөбүтэ. Кулуба Рыкунов Семен Ксенофонтович-Бэриҥ аймаҕа. Идэтинэн сибээс үлэһитэ эбит. Арҕааҥҥы фронт 688-с стрелковай полкатыгар сибээс этэрээтин командирынан сылдьыбыт. Сержант Федор Рыкунову, бойобуой сорудахтары эҥкилэ суох толорорун иһин, Арҕааҥҥы фронт 910-с стрелковай полкатыгар көһөрбүттэр. Кини 1942 с. атырдьах ыйыттан 1943 с. ахсынньыга диэри связистэр этэрээттэрин командирьшан сулууспалаабыт. Ити кэнниттэн сержаны 3-с Белорусскай фронт 422-с артиллерийскай полкатыгар связистэр этэрээттэрин командирынан анаабыттар. 1944 с. ыам ыйыттан сержант Федор Рыкунову 653-с артиллерийскай биригээдэҕэ көһөрбүттэр. Бу этэрээккэ эппиэттээх кистэлэҥ сорудаҕы итэҕэйбиттэр. Федор Рыкунов бойобуой сырыылара 1946 с. ыам ыйын 20 күнүгэр түмүктэммит. Улуу сэрии сылларыгар Кыһыл Сулус, «Албан аат» III истиэпэннээх уордьаннарынан, «Хорсунун иһин», «Кенигсбери ылыы иһин», «Германияны кыайыы иһин» мэтээллэринэн наҕараадаламмыт. Маны таһынан Суворов II истиэпэннээх уордьаннаах Витебскэйдээҕи Краснознаменнай уонна Кутузов II истиэпэннээх уордьаннаах стрелковай дивизияларын, Кылаабынай командующай И.В. Сталин Махтал суруктара тус бэйэтигэр аадырыстаммыттар («Память» IV, сиэнэ Саша Рыкунова «Кэскил» хаһыакка суруйуутуттан).