31.05.2023

Суруйааччы Васильев В.Е.-Харысхалы кытта көрсүһүү

Суруйааччы Васильев В.Е.-Харысхалы кытта көрсүһүү.

Алтынньы 22 кунугэр Н.М.Рыкунов аатынан Киин библиотека аагар саалатыгар СР Духуобунас Академиятын академига, ССРС Суруйааччыларын союһун чилиэнэ, СР култууратын үтүөлээх үлэһитэ, Россия  Суруйааччыларын союһун, АЛРОСА Улахан Литературнай бириэмийэлэрин лауреата, СР Бастакы Президена М.Е.Николаев Фондатын бириэмийэтин лауреата, Амма улууһун Бочуоттаах гражданина, прозаик, драматург, суруналыыс Василий Егорович Васильев-Харысхал аагааччылары кытта истин корсуьуутэ буолан ааста. Көрсүһүүнү А.Шестаков аатынан сынньалан киинин народнай театра (салайааччы Кривогорницын А.К.)Харысхал  Аммаҕа саас этэ диэн пьесатыттан быһа тардан, постановка туруоран көрдөрдүлэр. Василий Егорович олоҕун, айар үлэтин туһунан көрсүһүүнү ыытааччы, П.Сивцев аатынан Намнааҕы историко-краеведческай музей директора Александр Копырин билиһиннэрдэ. Суруйааччы айымньылаах үлэтин, инники былааннарын туһунан кэрэхсэбиллээхтик сэһэргээтэ. Василий Егорович  чуолаан саха историятын саҥа страницаларын, бэйэтин чинчийиилэрин, көрдөөһүннэрин кэпсээтэ. Кини атын дойдуга тиийэн олохсуйбут саха интеллигенциятын, репрессия ыар содулугар оҕустарбыт биир дойдулаахтарбытын, хас биирдиилэрин үтүө ааттарын тилиннэрэр, бэрт ыарахан соҕус сыаллаах соруктаах (нууччалыы эттэххэ миссиялаах) үгүс үлэни ыытар. Бу туһунан ааҕааччылар үгүс элбэх интириэһинэйи  иһиттилэр, биллилэр.

Суруйааччы билигин Нам улууһун кытта ыкса сибээстээхтик үлэлии сылдьар. Ол курдук бу соторутааҕыта кыраайы үөрэтээччилэр ортолоругар Намҥа  соһуччу көстүбүт 1917 сыллааҕы «Сырдык» диэн ол саҕанааҕы үөрэхтээх эдэр ыччат таһаарбыт сурунаала  көстөн үгүс дьон интэриэһин тарта. Харысхал бу сурунаалы үөрэтиигэ, чинчийиигэ быһаччы үлэлэһэ сылдьар.  Ааҕааччыларга   сурунаалы булбут, киэҥ эйгэҕэ таһаарбыт Нам 2-с нүөмэрдээх орто оскуолатын учуутала Молчанова Людмила Иннокентьевна билиһиннэрдэ. Маны таһынан эһиил И.Е.Винокуров 120 сыллаах юбилейын көрсө кини туһунан спектакль Саха театрыгар туруохтаах. Онон сибээстээн Василий Егорович биһиги киэн туттар биир дойдулаахпыт туһунан пьеса суруйа сылдьар.

Бу киэһэҕэ кыттыыны ыллылар  поэт, Таатта, Нам улуустарын Ытык киһитэ Николай Егорович Винокуров – Урсунбиир идэлээҕин, доҕорун Харысхал туһунан истиҥник сырдатта. П.Ойуунускай  аатынан Саха академическай театрын артыыһа, мелодистКуприян  Михайлов ырыа ыллаан, гитараҕаоонньоон сэргэхситтэ. Түмүккэ Василий Егорович ааҕааччыларыгар автографтаах кинигэлэрин бэлэх уунна уонна өйдөбүнньүк хаартыскаҕа түһүү буолла.

К.К.Попова,

 киин библиотека аагааччыны кытта улэлиир отдел сэбиэдиссэйэ.

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять