«Айардар» Аппааныга ыалдьыттаатылар

Сэтинньи 22 күнүгэр «Айар» национальнай кинигэ кыһата Аппааны сэлиэнньэтигэр кинигэ дьаарбаҥкатын тэрийэн ыытта. Бу күн  олохтоох библиотекаҕа биллиилээх спортивнай журналист, коллекционер Александр Васильев-Көрдүгэни кытта олус интэриэһинэй көрсүһүү тэрилиннэ. Александр Васильевич баай ис хоһоонноох значоктарын, мэтээллэрин колекциятын туһунан кэпсээн мустубут дьону сэргэхситтэ.

Күнүс 15 чаастан библиотекаҕа «Сирэй көрсөн олорон» диэн кросс-маркетинговай тэрээһин буолан ааста. Ыалдьыттарынан суруйааччы, СӨ култууратын үтүөлээх үлэһитэ, «Айар” кыһа эрэдээктэрэ Иринцеева Евдокия Семеновна-Огдо уонна Россия суруналыыстарын сойууһун чилиэнэ, тылбаасчыт Дьячковская Нина Егоровна буоллулар. Автордар саҥа тахсыбыт Огдо «Ыйдаҥа түүн”, Нина Дьячковская «Исповедь исчезнувших» диэн кинигэлэрин билиһиннэрдилэр уонна ааҕааччылары кытта сирэй көрсөн олорон кэпсэттилэр. Тэрээһин кыттыылаахтара суруйааччыларга айар үлэлэригэр ситиһиини, өссө саҥа сахалыы кинигэлэр бэчээттэнэн тахса туралларыгар диэн баҕа санааларын эттилэр.

Варвара Носкова

Хатыҥ-Арыы библиотекатын сэбиэдиссэйэ