Автор: Тохсунньу 25 күнүгэр Е. П. Сивцев аатынан 2 Хомустаах орто оскуолатын 6-с кылааһын үөрэнээччилэрэ, улуустааҕы библиотекаҕа ыалдьыттаан, экскурсиялаан бардылар.
Кылаас салайааччыта Татьяна Михайловна Максимова санаатын бу курдук үллэстэр: «Опыттаах библиотека специалистара олус үчүгэйдик көрсөн, экскурсия оҥордулар. Оҕолор библиотека үлэтин кытта сиһилии билистилэр, юбилейдаах биллиилээх суруйааччыбыт Иван Гоголев-Кындыл туһунан Дьяконова Раиса Николаевна олус үчүгэй иһитиннэрии оҥорон, элбэҕи биллибит. Оҕо библиотекатыгар Парникова Александра Алексеевна «Тургутуулаах толоон» интеллектуальнай оонньууга кыттан оҕолор астыннылар. Саҥа кинигэлэр быыстапкаларын сэргээн көрдүбүт.
Библиотека үлэһиттэригэр үчүгэй көрсүһүү, тэрээһин тэрийбиттэригэр махтанабыт. Сыралаах үлэҕит өрүү сыаналана турдун, элбэх ааҕааччы куруук баар буоллун, биир чаас иһигэр оҕолорго элбэх билиини биэрбиккитигэр өссө төгүл махтанабыт!»
