Автор: Сахалыы уус-уран литератураны ааҕыыны көҕүлүүр сыаллаах СӨ «Сахабэчээт» тэрилтэтин өйөбүлүнэн, «Чолбон» сурунаал тэрийиилэринэн III Өрөспүүбүлүкэтээҕи «Чолбон өй күрэһэ. Улахан оонньуу» бастакы түһүмэҕэ Н. М. Рыкунов аатынан Нам киин библиотекатыгар ыытылынна. Быйылгы курэс «Чолбон» сурунаал төрүттэммитэ 100, бастакы эрэдээктэр Анемподист Иванович Софронов-Алампа төрөөбүтэ 140 сылын көрсө ананан ыытылынна.
Быйылгы оонньуу уратыта дьиэ кэргэнинэн кыттыы буолбакка үс киһилээх хамаанданан кэтэхтэн кытыннылар. Нам улууһуттан уопсайа аҕыс хамаанда кыттыыны ылла. Ол курдук Нам сэлиэнньэтиттэн үс хамаанда уонна Хатыҥ-Арыы, Хамаҕатта, Бастакы Хомустаах, Никольскай, Модут нэһилиэктэриттэн кытыннылар. Кыттааччылар түөрт түһүмэҕинэн уоннуу боппуруоска эппиэттээтилэр. Бэрт сэргэх, тургутуктартан турар оонньуу 4 түһүмэҕинэн барда: бастакы түһүмэх “А. И. Софронов-Алампа олоҕо, айар үлэтэ”, иккис түһүмэх “Чолбон сурунаал уонна саха литературата”, үһүс түһүмэх «Саха театра” уонна бүтэһик төрдүс түһүмэх «Билиҥҥи кэм литературата”. Ыйытык аайы хоруй 15 сөкүүндэ иһигэр бэриллэрэ ирдэннэ, инньэ гынан күрэс сып-сап чопчутук барда. Түһүмэх аайы түмүк тахсан, сөптөөх эппиэттэри арыйан, көрөөччү да, кыттааччы да билиилэрин тута тургутунан көрөллөрүгэр бэртээхэй тоҕоос көһүннэ.
Ленскэй нэһилиэктэн кытыннылар: “Ньургуһун” хамаанданан Созонова Анна Васильевна, Васильева Александра Ионовна,Трофимова Анисия Андреевна.
“Чаҕылыстар” хамаанданан И. Чаҕылҕан аатынан алын сүһүөх оскуола учууталлара Парнякова Степанида Николаевна, Евсеева Варвара Дмитриевна, Юшкова Саргылана Владимировна
уонна улуустааҕы «Отуу уота» литературнай түмсүү чилиэннэрэ Уран Күннэй Саргын кыыһа, Аскалон-Өркөн Дьол, Анна-Айталы Хабарова.
Хатын-Арыы нэһилиэгиттэн – Матвеев Анатолий Матвеевич, Аргунов Семен Максимович, Сивцева Надежда Дмитриевна
Хамагатта нэһилиэгиттэн – Оротоо Сандаара Саха Аар кыыһа, Парникова Елена Захаровна, Афанасьев Гаврил Захарович.
Модут нэһилиэгиттэн — Гуляев Владимир Иванович, Кривошапкина Рассветлана Алексеевна, Осипова Александра Николаевна.
Никольскай нэһилиэгиттэн – Колесова Екатерина Романовна, Кудрина Мария Елисеевна, Егорова Диана Вячеславовна.
I-Хомустаах нэһилиэгиттэн – «Төлөн» литературнай түмсүү чилиэннэрэ Федотов Николай Константинович, Прибылых Александр Гаврильевич, Герасимов Сергей Иванович.
Тыҥааһыннаах, түһүмэхтэринэн эриэ-дэхси көрдөрүүлээх, илин-кэлин түсүһүүлээх улахан оонньуу түмүгүнэн уопсайа 35 баалы ылан, бастакы миэстэҕэ тигистэ I Хомустаахтан – «Төлөн» литературнай түмсүү хамаандата , иккис миэстэни 32 баалы ылан Модут нэһилиэгин хамаандата, үһүс миэстэни 31 баалы “Ньургуһун” уонна “Отуу уота” хамаандалар ылары ситистилэр.
Өй күрэҕин түөрт түһүмэҕинэн «Чолбон» сурунаал эппиэттиир сэкирэтээрэ, СӨ култууратын туйгуна, СӨ суруйааччыларын Сойууһун В. В. Никифоров — Күлүмнүүр аатынан бэлиэ хаһаайката, суруналыыс Tyяpa Степановна Пaвлова иилээн-саҕалаан ыытта.
Санатан эттэххэ, билиҥҥи кэмҥэ улуустарга чопчу күн анаан «Чолбон өй күрэһэ» өрөспүүбүлүкэбит араас муннуктарыгар ыытылла турар. Онно кыайбыт хамаандалар тохсунньу ыйга Дьокуускай куоракка күөн көрсүөхтэрэ. Онон өрөспүүбүлүкэтээҕи Чолбон өй күрэҕэр бастакы миэстэни ылбыт Бастакы Хомустаах нэһилиэгиттэн «Төлөн» литературнай түмсүү хамаандатын эҕэрдэлээн туран, кыайыылаахтар күрэстэригэн Нам улууһун чиэһин көмүскүөхтэрэ диэн эрэнэбит.
