Дьиэ кэргэнинэн ааҕыыны көҕүлүүр сыаллаах СӨ «Сахабэчээт» тэрилтэтин өйөбүлүнэн, «Чолбон» сурунаал тэрийиилэринэн II Өрөспүүбүлүкэтээҕи «Чолбон өй күрэһэ. Улахан оонньуу» бастакы түһүмэҕэ Н.М.Рыкунов аатынан Нам киин библиотекатыгар ыытылынна.

Россияҕа Дьиэ кэргэн, Саха Өрөспүүбүлүкэтигэр Оҕо саас сылларыгар аналлаах уонна Саха литературата төрүттэммитэ 125 сылын көрсө, ахсынньы 6 күнүгэр, дьиэ кэргэнинэн ааҕыыны көҕүлүүр сыаллаах II Өрөспүүбүлүкэтээҕи «Чолбон өй күрэҕэр» Нам улууһуттан 8 дьиэ кэргэн хамаанда туруоран кытыннылар:

Хатыҥ-Арыыттан — Анатолий Матвеевич, Айыына Анатольевна, Анатолий Матвеевтар;

2 – Хомустаахтан — Максимова Анна Михайловна, Максимова Татьяна Михайловна, Жиркова Прасковья Афанасьевна;

Хамаҕаттаттан — Алена Николаевна, Константин Константинович, Дьулуур Шелковниковтар;

Түбэттэн — Дария Петровна, Варвара Николаевна, Петр Петрович Поповтар;

Бөтүҥтэн -Уваровская Мария Даниловна, Михайлов Афанасий Афанасьевич, Уваровская Ольга Андреевна;

1 – Хомустаахтан — Елена Николаевна Жиркова, Гаврил Гаврильевич Жирков, Северина Николаевна Соловьёва;

Хатырыктан — Ульяна Николаевна, Евгений Егорович Антоновтар, Куличкина Ульяна Ивановна;

Намтан — Уран Күннэй Саргын кыыһа, Сардана Юрьевна, Иннокентий Афанасьевич Сидоровтар.

Оонньуу саҕаланыытыгар кыттааччылары «Чолбон» сурунаал бас эрэдээктэрэ Гаврил Андросов эҕэрдэлээтэ, саха литературатын сырдатар, пропагандалыыр, ааҕар дьиэ кэргэн биһирэмнээх бырайыагар кыттар дьоҥҥо ситиһиилэри баҕарда.

Өй күрэҕин түөрт түһүмэҕинэн «Чолбон» сурунаал эппиэттиир сэкирэтээрэ, СӨ култууратын туйгуна, СӨ суруйааччыларын Сойууһун В. В. Никифоров — Күлүмнүүр аатынан бэлиэ хаһаайката, суруналыыс Tyяpa Степановна Пaвлова иилээн-саҕалаан ыытта.

Күрэхтэһии 4 түһүмэҕинэн тургутук ньыматынан ыытылынна:

бастакы түһүмэх «Суругунан уус-уран литератураны төрүттээччилэр»,
иккис түһүмэх «Аҕа дойду Улуу сэриитин кэминээҕи литература»,
үһүс түһүмэх «Репрессияламмыт суруйааччылар»,
төрдүс түһүмэх «Билиҥҥи кэм литературата».

Саха литературатын төрүттээбит суруйааччылартан саҕалаан аныгы кэм айымньыларыгар тиийэ олус интэриэһинэй ыйытыыларга кыттааччылар бэрт түргэнник хоруйдаатылар.

Күрэс түмүгүнэн очколарынан миэстэлээх хамаандалар быһаарылыннылар:

1-кы миэстэни ыллылар Дария Петровна, Варвара Николаевна, Петр Петрович Поповтар, Түбэ нэһилиэгэ.

2-с миэстэни ыллылар Анатолий Матвеевич, Айыына Анатольевна, Анатолий Матвеевтар, Хатыҥ-Арыы нэһилиэгэ,

3-с миэстэни ыллылар Алена Николаевна, Константин Константинович, Дьулуур Шелковниковтар, Хамаҕатта нэһилиэгэ.

Кыайыылаахтар сыаналаах бириистэринэн бэлиэтэннилэр уонна бастаабыт Поповтар дьиэ-кэргэн өрөспүүбүлүкэтээҕи түһүмэххэ кыттарга туоһу сурук ылла.

Дьүүллүүр сүбэҕэ Гаврил Андросов «Чолбон» сурунаал кылаабынай эрэдээктэрэ уонна Саха сирин Суруйааччыларын сойууһун чилиэнэ, «Чолбон» сурунаал кылаабынай эрэдээктэрин солбуйааччыта Данил Макеев үлэлээтилэр.

Бу оонньуу тохсунньу 22 күнүгэр диэри өрөспүүбүлүкэ улуустарынан салҕанан барар, онтон Саха сирин үрдүнэн кыайыылаахтары быһаарар түмүктүүр күрэх тохсунньу ыйга Дьокуускайга ыытыллар уонна финал «САХА» НКИК быһа эфиригэр көрдөрүллэр. Бу түһүмэххэ кыайбыт хамаанда Өлүөнэ очуостарыгар сынньанар путевканнан наҕараадаланар.