АРЧЫЛАН
Уһун сындалҕан уһун айаннар,
Өксөйө дабайар үөс айааннар
Будулуйардыы мөхсөн ылаллар...
Уун-утары чысхааны ыыталлар...
Холку сэмэй бэйэҕин сэнииллэр!
Самнарыта сынньыахтыы кэтииллэр!
Ол эрэн, харса суоххун таайаннар,
Дьарҕара сүтэллэр, оо, саатаннар!
Эн, Эр Бэрдэ, Тулуй Хаан буолаҥҥын,
Ыһаҕын сырдык күүс санааларгын –
Дьонуҥ-сэргэҥ туһугар анааҥҥын,
Сылаас модун, чөл күөҥҥэр түмэҥҥин...
Эн сахаҕын! Айылҕа төрөппүт Уолаҕын!
Итэҕэйэҕин соҕотох Айыы Итэҕэлин!
Ырааска талаһар сиэригэр сүгүрүйэҕин!
Үтүө Айылгы Үс Кутугар андаҕайаҕын!
Кыртастыы ойуолуур олоҕун долгунугар,
Киирбитин олоччу бэйэҕин анааҥҥын...
«Норуотум инники кэскилин түһүн түстэһэр,
Кыахтаах эбиппин дуо?!» - диэн бэйэҕин ананаҥҥын...
Сахаҕын! Ол иһин барытын көнөтүк ылыммытыҥ,
Сымыйаны, кырдьыгы хайдах баарынан сыаналаабытыҥ
Албын эбиллэрин сайдыы эбит диэбэтэҕиҥ!
Айылҕа оҕотоҕуҥ! Оҥу туохха да биэрбэтэҕиҥ!
Ахтабыт! Киэн туттабыт, Ылдьаа!
Үрүҥ күн буолан өрүү сыдьаай!
Автор: 
