Автор: Сэтинньи 29 күнүгэр Хомус күнүн көрсө Н.М.Рыкунов аатынан улуустааҕы киин библиотекаҕа “Куйаар хомус” маастар кылаас ыытылынна. Маастар кылааһы Лука Турнин стипендиата, импровизатор хомусчут, Намнааҕы оҕо искусстватын оскуолатын фольклор кылааһын уһуйааччыта Сахаайа Владимировна Колодезникова ыытта.
«Хомус: Саха тыына, Эйгэ тылбааһа» кинигэ быыставкатын уонна хомус ууһа Уваров Нюргустан Николаевич — Хатан Уус, кини үөрэнээччитэ Илья Заболоцкай оҥорбут хомустарын выставкатын олус сэргии көрдүлэр. Хомус уустара бэйэлэрэ оҥорбут хомустарыгар оонньоон иһитиннэрэн маастар кылааска кэлбит дьон сэҥээриитин ыллылар.
Кэлбит дьоммут хомус историятын, хайдах туохтан оҥоһулларын, хомус араастарын иһиттилэр уонна хомуска оонньуурга үөрэнэн үөрэн-көтөн тарҕастылар.
Саха норуотун кутун-сүрүн иҥэринэ сылдьар, хомус этигэн дорҕоонун, хомуһу тардар үгэһи чөл хаалларан уонна сайыннара туруоххайын диэн истиҥ этиинэн маастар кылааспыт түмүктэннэ.
