Автор: Убаастабыллаах Нам улууһун олохтоохторо, ыалдьыттара! Төрөөбүт тыл, сурук-бичик күнүнэн эҕэрдэлиибит! 1996 сыллаахха, СӨ бастакы бэрэсидьиэнэ Михаил Николаев ыйааҕынан, олунньу 13 күнэ Төрөөбүт тыл уонна сурук-бичик күнүнэн биллэриллибитэ. Бу күн бастакы учуонай-лингвист, уһулуччу сырдатааччы, демократ, сахалыы суругу-бичиги киэҥник тарҕатыыны саҕалаабыт, бастакы учебник ааптара Семен Новгородов төрөөбүтэ. Н. М. Рыкунов аатынан Нам киин модельнай библиотекатын төрөөбүт тыл, сурук-бичик күнүгэр анаммыт тэрээһиннэригэр ыҥырабыт.
