Автор: 
Инникини тымтыктанан көрбүт суох дииллэр эрээри, син биир инчэҕэй эттээх, икки атахтаах киһи барахсан кистэлэҥ баҕаны кыратык да буоллар сэгэтэн көрүөн баҕарар. Онон бу киэһээ тугу эрэ биллэрбин, баҕа санааларым туолуохтара дуо диэн таайтарар, билгэлэнэр, саҥа сылга олохпутун саҥалыы көрөн арчыланар, ыраастанар тоҕоостоох кэм буолар.
Н.М. Рыкунов аатынан Намнааҕы киин модельнай библиотекаҕа тохсунньу 17 күнүгэр, киэһэ 18:00ч. таҥха таҥхаланар, билгэ билгэлэнэр »Чараас эйгэ» киэһэтэ тэрээһин буолан ааста.
Саха дьоно бары билэрбит курдук, таҥха кэмэ тохсунньу 7 күнүттэн –19 күнүгэр диэри ыытыллар. Таҥха – Күрүө Дьөһөгөй Айыы сэттэ ини-биилэриттэн биирдэстэрэ. Таҥха ааспыты аттаран, былыргыны ырытан, билиҥҥи олоҕу кытта тэҥнии тутан, кэнэҕэски кэлэр кэмнэри кэскиллээн көрөр улаҕалаах өйдөөх таҥара диэн саха билиҥҥи чинчийээччилэрэ быһаараллар.
Тэрээһиммит ыытыллыбыт барыла:
— »Таҥха Хааҥҥа сүгүрүйүү» — Романова Дария — Даурия Сиэллээх Сэгэйэ, Алгысчыт, көрбүөччү, Россятааҕы Норуот эмчиттэрин Ассоциациятын чилиэнэ, үрдүк таһымнаах учуутал, худуоһунньук сиэр — туом, арчыланыы, ыраастаныы ыытта.
— Танха өйдөбүлүн, суолтатын туһунан сырдатыыны оҥордо — агысчыт, сиэри — туому тарҕатааччы, Үөдэйдээҕи Василий Алексеевич Зырянов аатынан “Сарыал» сынньалаҥ киин, уус — уран салайааччыта, Республикатааҕы уонна улуустааҕы хомус күрэхтэрин кыайыылааҕа, «Отуу уота» литературнай түмсүү чилиэнэ — Геннадий Игнатьев — Айыы Оҕото.
Бу күн биирдиилээн дьону кытта аныгы кэм уйулҕаһыттара үлэлээтилэр. Кэлбит дьон ыйытыыларыгар хоруй ылан, сүбэ — ама ылан, билгэлэтэн астынан тарҕастылар. Ол курдук хиромантия туһунан сиһилии сырдатта Намнааҕы кииннэммит библиотека үлэһитэ – Попова Кристина Константиновна;
Кармическай нумерология туһунан уопсай өйдөбүлү, киһи олоҕор туох суолаталааҕын туһунан — цифровой психолог, кармическай нумеролог Алексеева-Пухова Сардана Ильинична олус интириэһинэйдик, дириҥ ис хоһоонноохтук кэпсээтэ;
Былыргы сэрэбиэйгэ киирсэр билгэлээһин тарҕаммыт көрүҥүн, хаартынан сэрэбиэйи –Надежда Тордуина ыытта;
Тааһынан көрүүлэнии , анабыл Алгыстаах туос кэпсээнин арыйыыны, олоххо Арчылаах суолу анаарыы суолдьутун ыытта — Романова Дария — Даурия Сиэллээх Сэгэйэ олус элбэх киһини түмэ тардан ыытта.
Дьон – сэргэ көрүүтүгэр танха туьунан угус билиини биэрэр «Таҥха таҥхалаа, билгэ – билгэлээ», «Алгыстар – эн көмүскэллэрин», «Сахаларга түүлү тойонноһун», «Таҥха туһунан дьиҥнээх түбэлтэлэр» диэн салааларга арахсан »Таҥха Хаантан этитиилээх Таҥха күнэ» диэн кинигэ быыстапката турда. Ону таһынан дьон күүтэр кэмигэр »Чараас эйгэ кэпсээннэрэ» олоххо араас буолбут тубэлтэлэр туһунан сэһэнньиттэри истии, санаа үллэстии тэрилиннэ.
Таҥха таҥхаланар, билгэ билгэлэнэр »Чараас эйгэ» киэһэбитигэр – 62 киһи сырытта.
