27.09.2021

Үтүөнү, сырдыгы тарҕатан

1690 сыллаахха төрөөбүт, Петербург куорат наука Академиятын библиотекара олус сөпкө эппит тыллара  билинни кэмнэ суолтатын сүтэрбэт. Кырдьык билигин библиотека үлэһиттэрэ инники күөҥҥэ сылдьаллар: саҥаттан — саҥаны олоххо киллэрэллэр, сырдыгы саҕаллар, айаллар-туталлар. Библиотека боруога  кыра оҕоттон  саастаах киһиэхэ тиийэ аана аһаҕас, киирбит киһи хайаан да саҥаны, сонуну  билэн-көрөн барар. Кэнники сылларга  нэһилиэнньэни тардар сыалтан библиотекардар акциялары, интэриэһинэй интеллектуальнай   оонньуулары,  түмсүүлэри тэрийэр буолла.

1937 сыллаахха Нам киинигэр тэриллибит  библиотека быйыл тэриллибитэ 80 сылын туолла. Бу бэлиэ даатаны көрсө  библиотекаҕа сэтинньи ыйга сонун тэрээһиннэр ыытылыннылар.

          Краевед И.З.Кривошапкин «Намым дьоно» диэн сана кинигэтин сүрэхтэниитэ истиҥник ыытылынна. Улуус Ытык киһитэ 60 сыл устата бииргэ алтыспыт дьонун-сэргэтин кинигэҕэ тиһэн, үйэлэргэ өйдөбүнньүк, эдэр ыччакка кэс тылын хаалларда. Тэрээһиҥҥэ кинигэҕэ киирбит бар дьоно, улуус общественноһа саҥа кинигэ туһунан санааларын уллэһиннилэр, махтал тылларын эттилэр.

          Улуус ыччаттарыгар аналлаах «Библиотека будущего» диэн бырайыактары көмускээһин тэрээһинэ бэрт сэргэхтик ааста. Библиотекаҕа нэһилиэктэртэн көхтөөх ыччаттар мустан аныгы библиотека хайдах буолуохтааҕын, баҕа санааларын торумнаан бырайыактары көмүскээтилэр. Ыччаты өйүүр Киин специалистара туһалаах тренинг-оонньуу ыыттылар. Бу тэрээһиҥҥэ библиотека үлэтин мэлдьи өйүүр «Ленскэй нэһилиэк» МТ баһылыгын солбуйааччы Бочкарев А.В. кыттыыны ылбыта тэрээһин таһымын үрдэттэ. Ыччаттар бу күн сахпыт баҕа санаалара  олоххо киирэн, Наммыт киинигэр саҥа библиотека сотору кэминэн тутуллан дьэндэйиэ диэн бары да эрэл санаалаах тарҕастыбыт.  Махталбытын  биһигини кытта бииргэ үлэлэһэр «Нам улууһа» МТ ыччаты кытары үлэлиир специалист Юлия Жергинаҕа тиэрдэбит.

         «Библиотека-билии төрдө» диэн библиотека историятыгар сыһыаннаах викторина  ватсап ситиминэн ыытыллыбыта. Дьон-сэргэ көхтөөхтүк кытынна. Кыайыылааҕынан Көбөкөн олохтооҕо, бочуоттаах сынньалаҥҥа олорор үлэ ветерана Сидорова З.Н. сөптөөх эппиэттэри биэрэн буолла, 2 миэстэ- Дьячковская И.И. (Нам), 3 миэстэ – Горохова Р.Н. (Нам). Оҕолорго кыайыылааҕынан Ядрихинскай Родион, Арбын орто оскуолатын 8 кыл үөрэнээччитэ буолла. Биһирэм бириистэр М.Новгородоваҕа (Бөтүҥ), М.Д. Трапезниковаҕа (Нам) тигистилэр.

Быть библиотекарем значит то же, что ехать на велосипеде,

если вы  перестаете нажимать на педали и двигаться вперед, вы падаете.                                                                                                                                                                                        Д.Шумахер