23.05.2022

Үйэлэргэ өрүү тыыннаах

Бу дьыл ахсынньы 18 күнүгэр Рыкунов аатынан киин бибилиотекаҕа Максим Кирович Аммосов төрөөбүтэ 120 сылыгар аналлаах тэрээһин буолан ааста. Манна М.К. Аммосов төрөөбүт дойдутугар Хатырык нэһилиэгэр баар Государственность музейын салайааччыта  Кириллин Александр Васильевич кэлэн оҕолорго Максим Аммосов олоҕун, үлэтин туһунан кэпсээтэ, хоруйдарга эппиэттээтэ.

1982с буолбут Мотопробег туһунан Иннокентий Захарович Кривошапкин сырдатта. Манна, бу, Нам сириттэн 6 эдэр дьон Якутия-Казахстан-Киргизия маршрутунан урал матассыыкылынан Максим Аммосов аатын үйэтитэр, ыарахан айаннарын туһунан, тэрийээччи киһи быһыытынан оҕолорго сиһилии кэпсээтэ.

Тэрээһин түмүгэр Наталья Васильевна оҕолорго сэргэх, интерактивнай оонньуу ыытан дьон-сэргэ астынна. Уопсай түмүккэ Максим Кирович Аммосов туһунан элбэхтик билэр оҕону таламмыт анал бириис туттардыбыт. Кыайыылаахтар, чуолаан Нам улууһун гимназиятын 8 А кылаас үөрэнээччилэрэ Осипов Саша уонна Васильев Артур анал бирииһинэн, сертификатынан наҕараадаланнылар.

Ушницкая С.Г, киин библиотека үлэһитэ.