Автор: 
Анал байыаннай дьайыы саҕаламмыта төрдүс сылыгар барда… “Бары биир сомоҕо күүс буоллахпытына, хайаатар да кыайыы кэлиэҕэ, уолаттарбыт этэҥҥэ эргиллэн дойдуларыгар төннүөхтэрэ” диэн санаанан салайтаран, буойуттарбыт дьиэ кэргэттэригэр болҕомто, ахсаабат көмө үлэбит киинигэр туруохтааҕын биһиги бары өйдүүбүт, күүскэ ылынабыт.
РФ сэбилэниилээх күүстэрин ветераннарын, анал байыаннай дьайыы кыттыылаахтарын чугас дьоннорун ийэлэрин, кэргэттэрин сэргэхситээри, сырдыкка, кыайыыга талаһар күүспүтүн түмээри Нам улууһун анал байыаннай дьайыы дьиэ кэргэттэрин кэмитиэтин көҕүлээһининэн тэриллибит «Олох сиэдэрэй оһуора” тэрээһин буолла.
МЕРОПРИЯТИЕ ТОЛОРУ ВИДЕОТА (ЮТУБ)
МЕРОПРИЯТИЕ ТОЛОРУ ВИДЕОТА (РУТУБ)
Анал байыаннай дьайыы дьиэ кэргэттэрин өйүүр кэмитиэт Нам улууһунааҕы куратора, улуус библиотекатын салайааччыта Майя Романовна Софронова тэрээһини иилээн-саҕалаан арыйда.
Эҕэрдэ тылы эттилэр Нам улууһун анал байыаннай дьайыыга көмөнү оҥорор улуустааҕы оперативнай штаб чилиэнэ, Нам улууһун баһылыгын социальнай боппуруостарга солбуйааччыта – Юрий Вячеславович Дьяконов, Ленскэй нэһилиэк МТ баһылыгын социальнай боппуруостарга солбуйааччыта Тимофей Егорович Охлопков.
Үтүө, кэрэ тэрээһини ылбаҕай ырыатынан эҕэрдэлээтилэр – Нам улууһун “Аҕа түмсүүтүн” салайааччыта – Толомон Эллэй Лөгөй уола уонна эдэр ырыаһыт — Ньургун Федоров.
|
Тэрээһин чэрчитинэн, бастатан туран »Кэрэ сэбэрэ» бырайыак кыттыылаахтарын анал байыаннай дьайыыга сылдьар эр хоһууннарбыт кэрэ аҥардарын кытта көрүстүбүт, билистибит.
Проекпытын өйөөн, баҕа санааларынан кыттыһаллар тупсаҕай көстүүнү нарын илиилэринэн чочуйан таһаарар, эгэлгэ эриэккэс таҥаһынан симиир урбаан эйгэтигэр үлэлиир кэрэ аҥардарбыт: Динара Авксентьева, Светлана Платонова, Диана Аммосова, Сияна. Кэрэ сэбэрэни үйэтиттилэр фотограф идэлээх кэрэ аҥардар, урбаанньыттар — Марианна Данилова, Мария Гаврильева. Мааны таҥаһынан симииргэ көмөлөстүлэр Наммыт улууһун биллэр-көстөр үлэлээх урбаанньыттара, “Эргимтэ” маҕаһыын салайааччыта Румянцева Лидия Прокопьевна, “Светлана” маҕаһыын салайааччыта Осипова Лидия Григорьевна, “Модис» маҕаһыын салайааччыта Александрова Ньургуйаана Васильевна, «Туйаана» маҕаһыын Туйаара Алексеевна Петухова. Проекпыт “Үтүө санаа” акция диэтэхпитинэ сыыспаппыт, амарах санаалаах урбаанньыттарбыт өҥөлөрүн проект кыттыылаахтарыгар бэлэх ууннулар. Проект кыттыылаахтара анал хосторго тарҕаһан бэлэмнэнэр кэмнэригэр араас элбэх маастар – кылаастар, туһалаах сүбэ остуола (консультациялар) үлэлээтилэр: ‘Атоми» корейскай косметика бэйэни көрүнүү ; Эпоксиднай смоланан оҥоһук оҥоруу; эпоксидканан хартыына , – убаҕас акрилынан симэх, »Бумажнай лоза» оҥоһук оҥоруу , ‘МАК — карта» сүбэлэр, »Сөптөөхтүк былааны оҥосторго» сүбэлэр, оҕолорго »Аква — гримм» , Өрөспүүбүлүкэтээҕи психологическай киин Намнааҕы салаата, Нам улууһун социальнай харалта сүбэлэрин салайааччы – Людмила Ивановна Петрова, Алмазэргиэнбанк өҥөлөрүн туһунан – салайааччы Сардаана Михайловна Никифорова, Россельхозбанк өҥөлөрүн туһунан – салайааччы Екатерина Николаевна Еремеева, СӨ Нам улууһа муниципальнай баайын-дуолун салайар кэмитиэтэ — Маркова Александра Егоровна, Саха Өрөспүүбүлүкэтигэр Арассыыйа Федерациятын биэнсийэҕэ уонна социальнай пуондатын салаатыттан – Светлана Викторовна Ядрихинская.
Түмүккэ санаа атастаһыыта буолла. Маннык тэрээһин туһалааҕын, үчүгэйин бэлиэтээн туран өссө да кыттыахпыт диэн баҕа санааларын эттилэр. Минньигэс астаах урбаанньыт кэрэ аҥардар Бочкарева Розалия Ивановна, Семенова Наталья Дмитриевна кэлбит ыалдьыттары тордунан күндүлээтилэр. |
|
Баҕарабыт бука барыгытыгар чэгиэн доруобуйаны, чөл туругу, алаһа дьиэҕитигэр, дьиэ кэргэҥҥитигэр байылыат эйэлээх олоҕу, сир үрдүгэр баар бары үтүөнү, кэрэни! Көмүс ньээкэ уйаҕыт Сылааһынан илгийдин, Истиҥ сыһыан Дууһаны ититтин, Ил-эйэ эҥэрдэһэн, Барыта этэҥҥэ буоллун! Сааскы күндү күннүү Мичилийэ сырдаан! |
