Сэтинньи 25 күнүгэр, Нам киин библиотеката, Олоҥхо декадатын чэрчитинэн  Өрөспүүбүлүкэтээҕи “Олоҥхо дьыктаана” аахсыйаҕа кытынна.

Олоҥхо декадатын чэрчитинэн, Саха Өрөспүүбүлүкэтин Национальнай бибилэтиэкэтэ, СӨ АТ «Олоҥхо тыйаатыра», научнай – методическай уонна тас сибээскэ үлэҕэ Олоҥхо киинэ, М.К. Аммосов аатынан Хотугулуу-Илиҥҥи федеральнай университета, Олоҥхо научнай – чинчийэр института, Хотугулуу-Илиҥҥи норуоттар тылларын уонна култуураларын института, Өрөспүүбүлүкэтээҕи Олоҥхо Ассоциацията буоланнар, Өрөспүүбүлүкэтээҕи «ОЛОҤХО ДЬЫКТААНА-2025» аахсыйатын биллэрбиттэрэ.

Ол чэрчитинэн Н. М. Рыкунов аатынан киин бибилэтиэкэ бу аахсыйаҕа кыттыһан туран, сэтинньи 25 күнүгэр, улахан дьоҥҥо анаан «П. П. Ядрихинскай— Бэдьээлэ аатынан Олоҥхо дьиэтигэр» тэрийдэ.

Быйылгы ыытыллыбыт олоҥхо дьыктаанын олоҥхоһут  И. И. Бурнашев – Тоҥ Суорун суруйбут «Сылгы уола Дыырай бухатыыр» олоҥхотуттан  суруйдулар.

Дьыктааны аахта «П. П. Ядрихинскай— Бэдьээлэ аатынан Олоҥхо дьиэтин» методиһа Аграфена Васильевна Винокурова. Быйылгы Олоҥхо дьыктаана Олоҥхо дьиэтигэр тэриллибитин кыттааччыларбыт биһирээтилэр ол курдук бу күн көмүлүөк оһох тигинэччи оттуллан, кыттааччыларбытын алгыстаах алаадьынан күндүлээтибит.

Кыттыбыт дьоҥҥо барыларыгар Өрөспүүбүлүкэтээҕи Олоҥхо ассоциациятын туоһу суруктара туттарыллыннылар.

Дьыктаан түмүгүнэн, туйгун сыаналаахтар Олоҥхо декадата сабылыытыгар ахсынньы 5-с күнүгэр бэлиэтэниэхтэрэ.