Сэтинньи 22 күнүгэр Рыкунов аатынан киин Библиотека 80 сааһыгар уонна Республикаҕа Ыччат сылыгар аналлаах олус үчүгэй тэрээһин буолан ааста. Манна эдэр ыччат үс хамаандаҕа арахсан «Моя будущая Библиотека будущего» диэн бырайыак оҥорон дьүүллүүр сүбэ иннигэр көмүскээтэ. Оҕолор олус интэриэһинэй, саҥа көрүүлэрэ киһини эрэ астыннарар. Бары  да чаҕылхай оҕолор мустаннар көрдөөхтүк оонньоон-көрүлээн, элбэги билэн, билсэн, дуоһуйа сынньанан, астынан тарҕастылар. Түмүккэ доҕордоһуу кыайда. Инникитин өссө да биһиги ыытар тэрээһиннэрбитигэр көхтөөхтүк кыттыахтара диэн эрэнэбит.