29.11.2022

Бүгүн — Кыайыы күнэ, бүгүн-Өрөгөй күнэ!🚩🚩🚩

Аҕа дойду Улуу сэриитэ саха ыалыгар ыар тыыны охсубута. Саха сирин олохтоохторо, оҕотуттан кырдьаҕаһыгар тиийэ, Кыайыы туһугар күүрээннээх үлэҕэ туруммуттара. Уоттаах кыргыһыыларга, фронт бары хайысхатыгар саха буойун саллааттара кыргыспыттара, олохторун толук уурбуттара.
Улуу Кыайыы тугунан да оһоруллубат бааһынан ситиһиллибитэ.
Кыайыылаах норуот тулхадыйбат холобурун үйэлэргэ хаалларар, көлүөнэттэн көлүөнэҕэ тиэрдэр, кэпсиир ытык иэстээхпит.
Бүгүн ааҕааччыларбытыгар
“Бөтүҥнэр Ийэ Дойду көмүскэлигэр” кинигэни кэпсиибит.
Кинигэни билиһиннэрэр Валентина Спиридоновна Колесова Бөтүҥ нэһилигин модельнай библиотекатын сэбиэдиссэйэ.
Кинигэ Улуу Кыайыы 75 сылынан ааспыт сыл, Бэчээт дьиэтигэр 50 ахсаанынан бэчээттэнэн таҕыста. Кинигэҕэ Бөтүҥ, ll Модут, Хатыҥ-Арыы нэһилиэктэриттэн Аҕа Дойду Улуу сэриитигэр кыттыбыт буойуннар, “Молотов”, “1 Маай”, “Шмидт” колхозтарга үлэлээбит, нэһилиэкпитигэр кэлэн олохсуйбут, сэмэй кылааттарын киллэрсибит дьон ахтыылара, 76 сэрии кыттыылаахтарын, 143 тыыл ветераннарын, 32 сэрии кэмин оҕолорун ахтыылара киирдилэр.
📚Кинигэ 3 түһүмэхтэн турар. “Саллаат ытык иэһин толорон” маҥнайгы түһүмэҕи орто оскуола историяҕа учуутала Егор Михайлович Софронов, “Түмсүүлээх үлэнэн – кыайыыга дьулуур” иккис түһүмэҕи ветеран сэбиэтин председателэ Людмила Васильевна Михайлова, “Сэрии кэмин оҕолоро – эйэлээх олох уустара” түһүмэҕи сэрии кэмин оҕото Дария Константиновна Прядезникова билиһиннэрдилэр.
“Бөтүҥнэр Ийэ Дойду көмүскэлигэр” кинигэ көлүөнэттэн көлүөнэҕэ, кэлэр кэнчээри ыччаттарбытыгар история кэрэһитэ буолан үйэлэргэ үтүө холобур буолуохтун!🌟

https://www.instagram.com/tv/COpKUwQjrts/?igshid=59nrgculfobt