Автор: Илья Дорофеевич Винокуров – Чаҕылҕан 110 сылын көрсө Хатын-Арыы «Чороон» саалатыгар олус таһымнаах мероприятия ааста. 11 чаастан Чаҕылҕан паамытынньыгар сибэкки дьөрбөтүн ууруу буолбута. Тэрээһин саҕаланыыта Нам улуустааҕы библиотека кыраайы үөрэтээччи, библиотекарь Раиса Николаевна Дьяконова Чаҕылҕанна анаан онорбут кинигэ выставкатын дьон сэҥээрэ көрдүлэр.
Тэрээһини иитэн саҕалаан арыйда П.И Сивцев аатынан Нам историко-этнографическай музей директора Копырин Александр Иванович. Саҥа тахсыбыт кинигэни ырыттылар, санааны үллэстэ ирэ хоро кэпсэттилэр, араас этиилэр киирдилэр, 2 томнаах кинигэ Илья Дорофеевич суруйан хаалларбыт эриэккэс хоһоонноро, уруһуйдара киирбиттэр, кэпсэтии түмүгүнэн 3 том тахсыа диэн илии тутустулар.
Тэрээһин иккис чааһыгар киирдэхпитинэ, сабыс саҥа уһуллубут Илья Дорофеевичка анаан документальнай киинэ көрдөрдөрдүлэр, айан саҕалаан, тутан устан оҥорбут музей үлэһиттэрэ анаан минээн премьера оҥордулар. Илья Дорофеевич 1944с Амма ыһыаҕыгар сылдьар эриэккэс видеону көрдүбүт.
Тэрээһин үрдүк таһымнаахтык ааспытыгар махталбытын биллэрэбит коллегаларбытыгар, ыҥырыылаах ыалдьыттарга, тэрээһин тэрийээччилэригэр.
