Автор: Алтынньы 18 күнүгэр улуустааҕы киин библиотекаҕа И.Е.Винокуров аатынан педагогическай колледж бастакы курсун студеннарыгар аһаҕас аан күнэ ыытылынна. Сахабыт сирин араас улуустарыттан кэлбит студеннарга Наммыт улууһун историятын, саарын дьоннорун, кэрэ-бэлиэ миэстэлэрин, үөрэхтэригэр туһалаах буоллун диэн библиотекабыт сайтын билиһиннэрдибит. Аан бастаан библиотека аанын аһан киирбит ыччат дьоммутугар-студеннарга методист Наталья Васильевна Павлова экскурсия оҥорон библиотека ис тутулун, үлэтин билиһиннэрэн кэпсээтэ. Оҕолор саҥа библиотеканы сөҕө-махтайа көрөн астыннылар, өссө да инникитин кэлэн дьарыктаныах, кинигэ уларсыах буолан үөрэ-көтө тарҕастылар.
