Автор: Олунньу 3 күнүттэн 12 күнүгэр диэри, төрөөбүт төрүт тыл, сурук-бичик күнүгэр аналлаах кэтэхтэн «ТУПСАҔАЙ СУРУК» каллиграфическай буочар күрэҕэ ыытыллар. Сэмэн Данилов “Саха саҥата” хоһоонун суруйан ыытаҕыт.
Сэмэн Данилов
САХА САҤАТА
Эппэр ийэм үүтүн кытта
Иҥмит эбит, быһыыта,
Кустук өҥнөөх,
Кымыс сыттаах
Сахам мандаар саҥата.
Кини миигин
Таптыыр, ыллыыр
Тыыннаах, сырдык дууһалыыр,
Кини миигин
Кырыыр, алгыыр
Эрдээх хоһуун санаалыыр.
Кини миэнэ —
Барҕа баайым,
Өлбөт мэҥэм — мин дьолум.
Кини миэнэ —
Ыалдьар ыарыым,
Үлэм, күнүм — мин соргум.
Кэмниин тэҥҥэ,
Дьоммун кытта
Кэхтибэккэ сайдыахтын
Кустук өҥнөөх,
Кымыс сыттаах
Сахам аптаах саҥата.
Кытталлар: 14 саастарыттан үөһээ. Толору ааккытын, электроннай почтаҕытын бэлиэтээн ыытаҕыт.
Үлэлэри олунньу 12 күнүгэр дылы namlib@mail.ru тутабыт.
Кыттааччыларга электроннай Туоһу сурук, кыайыылаахха Добун сурук туттарыллар.
б/т. 89681615737
