Автор: Бүгүн, алтынньы 5 күнүгэр “Эҥсиэли” хаһыат төрүттэммитэ 90 сылын туолар өрөгөйдөөх күнэ!
Нам улууһун Намнааҕы кииннэммит библиотечнай ситим уонна ааҕааччыларбыт ааттарыттан итии-истиҥ эҕэрдэбитин тиэрдэбит!
«Эҥсиэли” хаһыат үйэ кэриэтэ улууспут дьонун-сэргэтин эрэллээх аргыһа буолан, кэм-кэрдии араас улахан суолталаах событиеларын, ситиһиилэрин, үгэстэрин, кэрэхсэбиллээх сонуннарын кэпсиир, киэҥ эйгэҕэ таһаарар тапталлаах хаһыаппыт буолар.
Намнааҕы киин библиотекаҕа 1988-1995 сылларга «Эҥсиэли» хаһыат кылаабынай редакторынан үлэлээбит журналист, поэт, «Отуу уота» литературнай түмсүү төрүттээччитэ, салайааччыта Николай Михайлович Рыкунов аата 1996 сыллаахха иҥэриллибитэ. Библиотека коллектива бу үрдүк аатынан киэн туттабыт. Улуус библиотекалара «Эҥсиэли» хаһыаты кытта биир ситимнээхтик, айымньылаахтык үлэлииллэр. Нэһилиэк аайы библиотекалар хаһыаты суруйтарар буолан, ааҕааччылар кэлэн хаһыаты астына-дуоһуйа ааҕаллар.
Үтүө доҕотторбутун, «Эҥсиэли» хаһыат коллективын, бэчээт эйгэтигэр олохторун анаабыт ветераннары, общественнай корреспонденнары90 сыллаах үбүлүөйгүтүнэн истиҥник эҕэрдэлиибит!Кэрэни айар-тутар, сырдатар баҕаҕыт өссө да уҕараабатыгар, саҥа сүүрээн сүүрүгүрэ, байыта турарыгар, эрэллээх ааҕааччылары!
«Эҥсиэлибит» өрүүтүн үтүө сонуннаах хас биирдии ыалга күүтүүлээх күндү ыалдьыт буоларыгар баҕарабыт!
Кундү ааҕааччы!
Бу үөрүүлээх үтүмэн түгэҥҥэ анаммыт виртуальнай быыстапканы сэҥээрэн көрөргүтүгэр уонна викторинаҕа көхтөөхтүк кыттын, кыайыылаахха «Эҥсиэли» хаһыакка сыл аҥардаах босхо подписка БИРИИС туттарыллар!
Виртуальнай быыстапка
Онлайн-викторина
