«ЧОЛБОН» сурунаал төрүттэммитэ 100, бастакы эрэдээктэр А. И. Софронов төрөөбүтэ 140 сылларыгар аналлаах өрөспүүбүлүкэ 12 улууһун хабан «ЧОЛБОН ӨЙ КҮРЭҺЭ. УЛАХАН ООННЬУУ» өркөн өй оонньуутун биллэрдэ

Нам улууһугар сэтинньи 17 күнүгэр Н. М. Рыкунов аатынан Нам киин библиотекатыгар улуустааҕы түһүмэх ыытыллар. Күрэһи «Чолбон» сурунаал редакцията кэлэн, тэрийэн ыытар, кыттааччыларга туоһу суруктар, бириистэр туттарыллыахтара. Кыайыылаах хамаанда түмүк түһүмэххэ киирэн, улуус чиэһин көмүскүөҕэ.

Күндү улууспут олохтоохторо, сахалыы ааҕыыны сөбүлүүр дьоммут-сэргэбит! Түгэни мүччү туппакка, улахан күрэскэ кыттаргытыгар ыҥырабыт!

Сиһилии балаһыанньаны олохтоох библиотекалартан, эбэтэр 89141059052 эрийэн билсиҥ.

«ЧОЛБОН ӨЙ КҮРЭҺЭ. УЛАХАН ООННЬУУ» балаһыанньата

СҮРҮН ТОРУМА
1.1. «Чолбон өй күрэһэ. Улахан оонньууну» (мантан аллараа күрэс) «Сахабэчээт» СӨ САТ «ЧОЛБОН» сурунаал эрэдээксийэтэ партнердарын кытары тэрийэр;
1.2. Күрэс дьон-сэргэ уус-уран литератураҕа уонна суруйааччылар олохторугар билиитигэр-көрүүтүгэр сигэнэр;
1.3. Күрэс икки түһүмэҕинэн ыытыллыаҕа: 1-гы – ТУРГУТУУ (улуустарга ыытыллар), 2-с – ТҮМҮКТҮҮР (Дьокуускай куоракка ыытыллар).

2. КҮРЭС СЫАЛА-СОРУГА
   2.1. Дьиэ кэргэн болҕомтотун саха уус-уран литературатыгар тардыы;
   2.2. Сахалыы уус-уран литератураны ааҕыыны көҕүлээһин;
   2.3. Сахалыы ааҕар, литератураны таптыыр дьону булан түмүү, иитии уонна өйөөһүн.

КҮРЭС КЫТТЫЫЛААХТАРА
3.1. Нэһилиэк үс (3) киһилээх хамаандата туруохтаах;
3.2. Хамаанда кыттыытын иһин 1750 солкуобай төлүүр эбэтэр хамаанда биир чилиэнэ «Чолбон» сурунаалга 2026 сылга толору сурутуутун квитанциятын көрдөрөр;
3.3. Күрэс түмүгэр элбэх очкону хомуйбут хамаанда кыайар;
3.4. Күрэс түөрт түһүмэхтэн турар :

1. «А. И. Софронов-Алампа» олоҕо, айар үлэтэ»,
2. «Чолбон» сурунаал уонна саха литературата»,
3. «Саха театра»,
4. «Билиҥҥи кэм литературата»

НАҔАРААДАЛААҺЫН
4.1. Күрэс түмүгүнэн очколарынан 1-гы, 2-с уонна 3-с миэстэлээх хамаандалар быһаарыллаллар. Ону сэргэ икки түһүмэх түмүгүнэн бастыҥ уонна көхтөөх кыттааччыларга биирдиилээн анал бириистэр олохтонуохтара;
4.2. Улууска кыайбыт хамаанда өрөспүүбүлүкэтээҕи түһүмэххэ кыттарга туоһу суругу ылар;
4.3. Түмүк түһүмэх (өрөспүүбүлүкэтээҕи түһүмэх) Дьокуускай куоракка ыытыллыаҕа уонна көрдөрүллүөҕэ. 4 бастыҥ көрдөрүүлээх хамаанда кылаан оонньуута «САХА» НКИК көрдөрүллүөҕэ . Бу түһүмэххэ бастаабыт хамаанда сыаналаах бирииһинэн наҕараадаланыаҕа.
Күрэс хаамыыта сонуну киэҥник тарҕатар ньымалар нөҥүө киэҥник сырдатыллыаҕа.