Автор: Күндү ааҕааччыларбытын саханы саха дэппит улуу Олоҥхо декадата аһыллыбыт үөрүүлээх күннэринэн эҕэрдэлиибит!
Быйыл ЮНЕСКО олоҥхону аан дойду норуоттарын тылынан уус-уран бастыҥ айымньыларын ахсааныгар киллэрбитэ 20 сылын туолла. 2005 сыллаахха сэтинньи 25 күнүгэр ЮНЕСКО олоҥхону аан дойду култууратын биир саамай чаҕылхай шедеврынан биллэрбитэ. Нөҥүө сылыгар СӨ бэрисидьиэнин № 3036 Ыйааҕынан 2006 сыл сэтинньи 15 күнүгэр Саха Өрөспүүбүлүкэтигэр сэтинньи 25 күнэ Олоҥхо күнэ быһыытынан биллэриллибитэ. Бу устар ууну сомоҕолуур уран тыллаахтарбыт, кырыымпалыы кылыгырас кылыһахтаахтарбыт, сүргэни көтөҕөр, санааны күүрдэр, нохтолоох тойон сүрэҕи долгутар улуу олоҥхоһуттарбыт талба талааннарын, өркөн өйдөрүн, айар имэҥнэрин билиҥҥи чаҕылхай туоһута буолар.
Убаастабыллаах ааҕааччыларбыт, эһигини Н.М.Рыкунов аатынан Намнааҕы киин библиотека кыраайы үөрэтэр саалатыгар тэриллибит “Олоҥхо өрөгөйө саха саргыта” диэн кинигэ быыстапкатын көрөргүтүгэр ыҥырабыт. Быыстапкаттан билсиэххит киһи-аймах тылынан уонна өйүнэн айбыт улуу айымньыларын, сахабыт сирин түөлбэ олоҥхоһуттарын, аатырбыт- сураҕырбыт Ийэ олоҥхоһуттары. Кэлэн билсиҥ, ааҕыҥ.
Аллагужина В., Оһуордаах Олоҥхо түһүлгэтэ Хаһааччыйа орто оскуолатыгар. [Уус-Дьааҥы улууһа] — : , //Дьааҥы саһарҕата. . — 2024. — Ахсынньы 27 күнэ (N 51)-С. 6-7;
Гермогенова О. В., Саха омук саргытын салайбыт улуу Олоҥхо күнүгэр. [Хаҥалас улууһун Олоҥхо ассоциациятын үлэтин-хамнаһын туһунан] — : , //Хаҥалас. . — 2024. — Сэтинньи 29 күнэ (N 47)-С. 1;
Герасимова Н. М., Олоҥхо таҥаһын алыптаах дьиктитэ. [Национальнай бибилэтиэкэҕэ буолбут сахалыы тас таҥас көрдөрүүтүн тэрээһинин туһунан, Дьокуускай] — : , //Кыым. . — 2023. — Ахсынньы 7 күнэ N 48 (22648)-C. 31;
Васильева М. П., Омуннаах олоҥхо дойдута. [биир дойдулаахтарбыт РФ худуоһунньуктарын Сойууһун чилиэннэрэ Дьулустан Бойтунов уонна Николай Чоччасов персональнай «Омуннаах олоҥхо дойдута» быыстапкалара турбутун туһунан, Үөһээ Бүлүү сэлиэнньэтэ] — : , //Үөһээ Бүлүү. . — 2024. — Кулун тутар 22 күнэ (N 11)-С.1;
Попов Н. А., Олоҥхо — тыл муҥутуур таһымын, тыл уус-уран баайын байҕала буолбут айымньы. [Саха Өрөспүүбүлүкэтин култууратын үтүөлээх үлэһитэ, Таатта улууһун бочуоттаах олохтооҕо Афанасий Николаевич Попов Дьокуускайга Смарт-библиотекаҕа олоҥхолообутун туһунан, Таатта улууһа] — : , //Таатта. . — 2023. — Ахсынньы 1 күнэ (N 47)-С. 6;
Николаева М. Н., Олоҥхо — уус тыл, уран өй улуу айымньыта. [РСФСР суол тутуутун бочуоттаах үлэһитэ, Хаҥалас нэһилиэгин бочуоттаах олохтооҕо, олоҥхоһут С. В. Петров-Чыычаах туһунан] — : , (Сэтинньи 25 күнэ — Олоҥхо Күнэ) //Ньурба. Огни Нюрбы. . — 2023. — Сэтинньи 23 күнэ (N 46)-С. 4;
Саха омук саргытын салайбыт улуу Олоҥхо
Оһуордаах Олоҥхо түһүлгэтэ
Олоҥхо — уус тыл, уран өй улуу айымньыта
