13.06.2021
Ыам ыйын 23 күнүгэр Н.М. Рыкунов аатынан Нам улуустааҕы библиотекатын үлэһиттэрэ сылын аайы ыытыллар «БИБЛИОНОЧЬ-2018» акция чэрчитинэн элбэх араас интэриэһинэй тэрээһиннэри ыыттылар. Ол иһигэр үгэскэ кубулуйбут КВЕСТ-оонньуу бэрт  сэргэхтик тэриллэн  ыытылынна.  Тэрийээччилэр: МТ «Ленскэй нэһилиэк» эдэр ыччаты кытта үлэлиир салаа (Петров   М.А.) уонна киин библиотека (Павлова Н.В.), оонньууну ыыттылар Петров М.А. уонна библиограф Семёнова  С.Н. Быйылгы  оонньуу «Ленский наслег-площадка развития » диэн  анал сыаллаах-соруктаах ыытылынна. Ол курдук 7 хамаанда: НУГ, НКТЭ, НПК, Пенсионнай фонд, нэһилиэк админстациятын эдэр үлэһиттэрэ уонна «Автоледи», «Велолюбители» эдэр ыччаттара хомуллан, түмсэн көрдөөх- сыралаах, өйү үлэлэтэр  сорудахтардаах  оонньууга кииристилэр.
Кыттааччыларга социальнай-психологическай  центр  специалиһа Любовь Афанасьевна оонньуу  иннигэр турукка киллэрэн    олус интэриэһинэй тренинг ыытта. Бары хамаандалар  Ленскэй нэһилиэк, Ытык сирдэринэн,  кэрэ-бэлиэ миэстэлэринэн, ол эбэтэр 8  станциянан, сүүрэ сылдьан араас сорудахтары толордулар. Оонньуу түмүгүнэн 1 м.-НПК, 2м.-Велолюбители, 3м.-нэһилиэк администрацията ыллылар. Кыайыылаах  хамаанда кубогынан, мэдээллэринэн наҕараадаланан тэрилтэлэригэр бэлэх  оҥордулар,  кыттааччыларга хас  биирдиилэригэр мэтээл  туоһу сурук     туттарылынна. Түмүгэр     доҕордоһуу остуолугар олорон чэйдээтилэр, санааларын үллэстэн, дуоһуйан,  хаартыскаҕа түһэн уонна эһиил өссө көрсүөх буолан үөрэн-көтөн тарҕастылар.