29.03.2024

Бөтүҥ олохтоох модельнай библиотека сонуннара.

Ыам ыйын 27 күнүгэр Бүтүн Россиятааҕы библиотекалар күннэригэр аналлаах ааҕааччыларга анаан араас тэрээһиннэр ыытылыннылар. Ол курдук ыам ыйын 17 күнүгэр Библиосейшен – 2019 үгэскэ кубулуйбут тэрээһин ыытылынна. Бу күн нэһилиэкпит кэрэ аҥаардарыгар  Брошь оҥоһуутугар маастар кылааһы Саргылана Суздалова  тэрийэн ыытта. Эбиэттэн киэһэ оскуола улахан кылаас оҕолоругар анаан Педагогические отряды. Вожатый Саха Якутия республиканскай общественнай хамсааһын чилиэннэрэ кэлэн профориентационнай чаас, станцияларынан оонньуулары ыыттылар.

Ону тэҥэ Модут – Бөтүҥ нэһилиэгин эдэр ыччаттарын хамаандалара 7 түһүмэхтээх КВИЗ интеллектуальнай оонньууга кытыннылар. Түмүккэ Модут эдэр ыччаттара кыайыылааҕынан тахсан Дипломунан наҕараадаланнылар. Тэрээһин кыттааччыларыгар барыларыгар тэрийээччилэр минньигэс торт бэлэх ууннулар . Түмүккэ уопсай хаартыскаҕ түһүү тэрилиннэ. Бу күн ааҕааччыларбытыгар анаан Я люблю читать фотозона, араас кинигэ быыстапкалара туруорулуннулар.

Ыам ыйын 24 күнүгэр олохтоох библиотекаҕа Саха сирэ хаһыат редакциятын үлэһиттэрэ ыалдьыттаатылар, библиотека үлэтин – хамнаһын билистилэр, саҥа тахсыбыт хаһыаттарын бэлэхтээтилэр. Е.С.Сивцев – Таллан Бүрэ аатынан орто оскуолаҕа нэһилиэнньэни кытта көрсүһүү, хаһыакка сурутуу тэрилиннэ.

Ыам ыйын 27 күнүгэр олохтоох модельнай библиотека Республикаҕа биллэриллибит Сила – Книги сетевой акцияҕа кыттыыны ылла. Бу күн орто оскуола 4 кылааһын оҕолорун кытта ( кылаас салайааччыта Сивцева М.В) нэһилиэк баһылыга Макаров М.В көрүстэ.Кини оҕолорго бэйэтэ оҕо сылдьан сөбүлээн аахпыт Герой оҕолор кинигэтиттэн Вася Курка – снайпер диэн кэпсээнин аахта.Аҕа дойду Улуу сэриитигэр улахан дьону кытта тэҥҥэ кыайыыны уһансыбыт оҕолор тустарынан үөрэнээччилэр олус сэргээн иһиттилэр. Уонна кинилэр курдук төрөөбүт дойдуларын таптыыр,хорсун санаалаах буолар баҕаларын биллэрдилэр. Бу маннык тэрээһиннэр оҕолору патриотическай тыыҥҥа иитэргэ наһаа туһалаахтар өссө да салҕанан ыытылла турдуннар.

Валентина Колесова, олохтоох библиотека сэбиэдиссэйэ

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять