Автор: Кулун тутар 27 күнүгэр Таастаах нэһилиэгэ сөргүтүллүбүтэ 35 сылын бэлиэтиир дьоро күн ыытылынна. Бу күн Таастаах олохтоох библиотеката “Чэчир” сынньалаҥ киинигэр “Сөргүтүү сыллара” диэн быыстапка туруорда. Быыстапкаҕа нэһилиэк историятын кэпсиир матырыйааллар турдулар, ол курдук араас сылларга бэчээккэ тахсыбыт ыстатыйалар, сөргүтүүгэ үлэлээбит дьоннор хаартыскалара, нэһилиэк историятын кэпсиир альбомнар, буклеттар, кинигэлэр турдулар. Ону таһынан Таастаах нэһилиэгиттэн тахсыбыт биллиилээх дьон, нэһилиэк Ытык дьонун туһунан матырыйааллар. Дьоро күҥҥэ кэлбит нэһилиэк олохтоохторугар уонна ыалдьыттарга библиотека сэбиэдиссэйэ Сивцева М.С. быыстапка туһунан кэпсээтэ, билиһиннэрдэ. Олохтоохтор уонна ыалдьыттар быыстапканы сэҥээрэн көрдүлэр.
