Автор: 
Сэтинньи 22 күнүгэр Н. М. Рыкунов аатынан киин модельнай библиотека Ааҕар саалатыгар өрөспүүбүлүкэтээҕи «Забота-Арчы» амарах хаһыат алгыстаах түһүлгэтэ» бырайыак бэһис көрсүһүүтэ ааҕааччылары кытта олус сэргэхтик, истиҥник буолан ааста. Көрсүһүүгэ кэлбит дьоммут 2024 сылга сөбүлээн ааҕар, социальнай тиэмэлэри сырдатар «Забота-Арчы» хаһыттарыгар уопсайа 53 киһи суруттарда.
Бу күн хоту дойду балыктарын уҥуохтарыттан «Кальций- Сигостин» о.д.а. БАД- тары оҥорон, киэҥ эйгэҕэ тарҕата сылдьар биологическай наука кандидата К.К. Кривошапкины кытта көрсүһүү буолла.
Көстөкүүн Көстөкүүнэбис Саха сирин үүнээйилэриттэн, балыктарын уҥуохтарыттан оҥоһуллубут, көдьүүстээҕинэн, дьайымтыатынан норуот биһирэбилин ылбыт препараттарын бэрт судургутук сиһилии быһаарда, кэпсээтэ, ыйытыыларга эппиэттээтэ.
Көрсүһүүгэ кэлбит дьоммут инникитин даҕаны маннык истиҥ көрсүһүүлэр буола туралларыгар баҕа санааларын этэн, махтанан тарҕастылар.
