Автор: Аҕа дойду Улуу сэриитигэр сэбиэскэй норуот, аҕа көлүөнэ дьон дьоруойдуу хорсун быһыылара, кинилэр сырдык ааттара устуоруйа кинигэлэригэр өлбөөдүйбэт көмүс буукубаларынан суруллаллар. Нам киин библиотекатыгар Улуу Кыайыыга аналлаах библиотека фондатыттан «Кыайыы уот сулуһа, үйэлэргэ сырдыы тур!» диэн ааҕааччыларга анаан кинигэ быыстапката турда. Быыстапкаттан билсиэххит Саха сириттэн араас хайысхаларынан уоттаах сэриигэ хорсуннук охсуһан сэрии толоонугар охтубут буойуттары, Кыайыы көтөллөөх иэримэ дьиэлэригэр тыыннаах эргиллэн кэлбит, тыылга бэйэлэрин харыстаммакка үлэлээбит дьоммутун. Саха сириттэн Сэбиэскэй Сойуус Дьоруойдарын маны тэҥэ биир дойдулаахтарбыт, Нам оройуонун дьоно, сэрии сылларыгар хорсуннук охсуспуттарын.
Аҕа саастаах дьоммут хорсун быһыыларын умнубаппыт, киэн туттабыт, сүгүрүйэбит!
Кинигэ быыстапката викториналаах, ааҕааччы барытын сөпкө эппиэттээтэҕинэ бириис бэриллэр.
