29.07.2021

Наталья Владимировна Михалева-Сайаны Саха Өрөспүүбүлүкэтин норуодунай суруйааччыта үрдүк аатын ылбыккынан истиҥник эҕэрдэлиибит!

Бу чаҕылхай, ылааҥы күннэргэ саха тыллаах сэргээн, таптаан ааҕар поэтессата, суруйааччыта, суруналыыһа Наталья Владимировна Михалева-Сайаны Саха Өрөспүүбүлүкэтин норуодунай суруйааччыта үрдүк аатын ылбыккынан Эҥсиэли хочотун ааҕааччыларын ааттарыттан истиҥ эҕэрдэ! 💐💐💐
Наталья Владимировна, айар тыл сүмэтин имигэстик чочуйан уустуу тутан хомоҕой айымньыларгар оһуор гынан түһэрэн, ааҕааччылар биһирэбиллэрин ылаҕын. Дьоҥҥо, норуокка сөбүлэппит, сэргээн көрөр «Саха» НКИХ ыытар биэриилэрэ «Кэпсиэ», «Сэһэн сирэ» — бэйэлэрэ туспа тыыннаахтар, айылгылаахтар.
Биһиги биир дойдулаахпытын Анна Парникова-Сабарай Илгэни кытта саха литературатыгар хоһоон сиэдэрэй хонуутугар биир кэмҥэ киирбиккит. Сабарай Илгэ айымньыларын дьоҥҥо-сэргэҕэ билиһиннэрэн, биһиги ааҕар дьиэбитигэр үгүстүк ыалдьыттаан, ааҕааччылардыын истиҥник сэһэргэһэн, көрсүһэн, элбэх үлэни ыыппыккар махталбытын тиэрдэбит!
Саха норуота киэн туттар киһитэ Наталья Михалева-Сайа уонна эн сүгүрүйээччилэргэр Нам улууһун кииннэммит библиотекатын тиһигин аатыттан өссө төгүл эҕэрдэ! Үрдүк ааты ылбыккынан астынабыт, үөрэбит, киэн туттабыт! @saya_sakha

#натальямихалевасайа
#намскаяулуснаябиблиотека🏛🤗