28.03.2024

Нам улууһугар Тотальнай дьыктаан суруйдулар

Муус устар 10 күнүгэр Нам улууһа “Тотальнай дьыктаан -2021” Аан дойду үрдүнэн ыытыллыбыт аахсыйаҕа кыттыста. Ол курдук, үөрэх тэрилтэлэригэр, библиотекаларга уопсайа 30 былаһаакка тэриллэн, 560 кыттааччы  дьыктаан суруйдулар.  Тэрээһин иннинэ быйылгы “Тотальнай дьыктаан” тиэкиһин ааптара, суруйааччы Дмитрий Глуховскай айымньытынан уһуллубут “Обещания” диэн күһүн көстүөхтээх киинэ премьератын быһа тардан көрдөрдүлэр, ол кэнниттэн ааптар бэйэтэ дьыктаан тиэкиһин ааҕыытын кыттааччылар иһиттилэр.

Хас биирдии былаһааккаҕа үөрэх управлениятыттан нуучча тылын уонна литературатын учууталлара сыһыарыллан, Дмитрий Глуховскай “Муора” диэн текиһин аахтылар.

Н.М.Рыкунов аатынан Нам киин библиотекатыгар дьыктааны 22 киһи суруйда. Тиэкиһи Хатыҥ-Арыы орто оскуолатын учуутала Яковлева Нина Михайловна аахта. Дьыктааны суруйарга эдэр дьон, И.Е.Винокуров аатынан Намнааҕы педагогическай колледж студеннара кыттыспыттара үөрдэр. Оҕо  библиотекатыгар тиэкиһи НСОШ №2 учуутала Федорова Сардана Дмитриевна аахта, волонтерунан НСОШ №1 учуутала Ильина Александра Алексеевна үлэлээтэ.

Маны таһынан “Тотальнай дьыктаан” аахсыйатын 1Хомустаах, Хатырык, Бөтүҥ, Партизан, Үөдэй, Модут, Түбэ, Таастаах библиотекаларын үлэһиттэрэ тэрийдилэр.

Дьыктаан түмүгэ муус устар 15 күнүгэр биллиэҕэ.

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять