23.07.2024

Эҕэрдэлиибит!

Убаастабыллаах Майя Романовна!

Самаан сайыммыт  чэлгийэн, өрө анньа үүнэн, силигилээн турар алыптаах кэмигэр, Күн саамай уһаан, арчылаах кэмҥэ күн сирин көрбүккүнэн,  үтүөкэннээх үбүлүөйгүнэн ис сүрэхпититтэн итиитик – истиҥник эҕэрдэлиибит,  сахалыы сайаҕас алгыспытын тиэрдэбит!

   Эн республикаҕа биллэр библиотека тиһигин салайар директор быһыытынан үлэҕэр үрдүк эппиэтинэскин, ирдэбилгин, билиигин – корүүгүн,  ис сүрэххин, дууһаҕын ууран үлэлииргин, олоххо  актыыбынай көрүүгүн үрдүктүк сыаналыыбыт,  холобур оностобут, киэн туттабыт. 

Улуус, республика култууратын сайдыытыгар, кэлэр кэскил туһугар сатабылгын ууран тус кылааккын киллэрэҕин, дьон-сэргэ биһирэбилин, ытыктабылын ылаҕын.

Ылыммыккын ыһыктыбакка, дьулуспут соруккун олоххо киллэрэн, салгыы ситиһиилээхтик үлэлээн, айа-тута сырыт, саҥа үрдэллэр, кыайыылар кэлэ турдуннар!

Күндү Майя Романовна!

Таптыыр дьиэ-кэргэнин, аймах-билэ дьонуҥ, үгүс доҕотторуҥ махталларынан арыаллатан, бар дьонун истиҥ сыһыаннарынан кынаттанан дьоллоох уһун олохтон,  алгыстаах тылын, дьоһуннаах олоҕун ыччаккар салҕаннын!

Эҕэрдэни кытта бииргэ үлэлиир коллегаларын.

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять