22.07.2024

Умнуллубат чахчылар, үйэлээх өйдөбүллэр

Алтынньы 14 күнүгэр Нам улууһун бэтэрээннэрин сэбиэтин предедателэ  Софья Дмитриевна Кобяковалыын  2-с нүөмэрдээх орто оскуола 9-с “а”,  9-с “б”, 11-с  кылаас үөрэнээччилэригэр, патриотическай тыыҥҥа иитиигэ, Аҕа дойду сэриитин сылларыгар Чурапчы оройуонун нэһилиэктэрин күүс өттүнэн хоту көһөрүү 80 сылыгар аналлаах «Умнуллубат чахчылар, үйэлээх өйдөбүллэр» тэрээһини ыыттыбыт.

Бу тэрээһиҥҥэ хоту күүс өттүнэн көһөрүү туһунан историческай чахчыларга олоҕуран билиһиннэрдибит. Сэрии ыар кэмнгэр Чурапчы улууһуттан күүс өттүнэн көһөрүллэн, үгүс кыһалҕаны көрсүбүт дьоммут-сэргэбит туһунан оҕолор болҕомтолоохтук олорон иһиттилэр, боппуруостары биэрдилэр. Бу Чурапчы эрэ алдьархайа буолбатаҕын,  бу бүтүн Сахабыт сирин иэдээнэ буоларын өйдөөтүлэр.

Билиҥҥи тыҥааһыннаах кэмҥэ аҕа көлүөнэ кэлэр кэнчээри ыччаппытыгар дойдубут историятын билиһиннэрэргэ хайа да кэмнээҕэр тоҕоостоох уонна наадалаах.

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять