Киирии тыл
Н.М.Рыкунов аатынан Нам библиотеката Улуу Кыайыы 80 сылын чэрчитинэн «Биир дойдулаахтарбыт албан суолларынан…(хорсун буойуттар ууну-уоту ортотунан мүччүргэннээх хапсыһыылара)” диэн сахалыы аудиоподкаст бэлэмнээтэ. Аҕа дойду сэриитин бэтэрээннэрэ хаан тохтуулаах кырыктаах сэриигэ үгүс күчүмэҕэйдэри, оһоллору, ыарахан түгэннэри туораан тыыннаах эргиллэн кэлбиттэрэ. Кинилэр ахтыылара билигин хаһыаттарга, кинигэлэргэ тиһиллэн, ол суостаах сыллар тустарынан биһиэхэ өйдөбүнньүк буолан хааллахтара…
Билиҥҥи кэм көлүөнэ ыччатыгар аныгы технологияны туһанан сэрии кыттыылаахтарын ахтыыларын тиэрдэр сыаллаах бырайыагы бүгүн саҕалыыбыт. «Ким да умнуллубат, туох да умнуллубат” диэн кынаттаах тылларынан сиэттэрэн, үйэтитиигэ анаммыт үлэбит ситиһиилээх буолуо диэн эрэнэбит. Бырайыакка киирбит айымньылары, ахтыылары библиотека фондатыттан ааҕыҥ, сэргээҥ!
Елена Слепцова — Куорсуннаах «Биһиги тыыннаахпыт»
Макар Жирков «Уол оҕо уһуктааҕа — киһи киэнэ килбиэннээҕэ»