Автор: Бу кэрэ эйгэлээх, сырдыгы, билиини саҕар бырааһынньыгынан күндү ветераннарбытын, коллегаларбытын, ааҕааччыларбытын истиҥник эҕэрдэлиибит! Н. М. Рыкунов үтүө аатын киэн тутта сүгэр Нам киин библиотеката дьон-сэргэ мустар, өй-санаа арыллар, тыл-өс өһүллэр ураты тыыннаах түһүлгэтэ буолар. Библиотека сырдык, киэҥ дьиэтигэр үктэммит хас биирдии ааҕааччы күндү ыалдьыт буолан кинигэ кэрэхсэбиллээх эйгэтигэр киирэр. Ону тэҥэ ааҕааччыга, дьоммутугар-сэргэбитигэр аналлаах куруһуоктар, түмсүүлэр үлэлииллэр, сэргэх, интэриэҺинэй тэрээһиннэр ыытыллаллар. Күндү ааҕааччыларбыт, доҕотторбут библиотека аана өрүүтүн аһаҕас, саҥаттан-саҥа кинигэлэр, сурунааллар эһигини мэлдьи күүтэллэр. Бу курдук куруук бииргэ буолан кэрэни кэрэхсээн, сырдык санааннан салайтаран утуеҕэ үктэниэҕиҥ, кэскили түстүөҕүҥ!
Эһиги болҕомтоҕутугар БИБЛИОТЕКА КҮНҮНЭН Николай Рыкунов төрөөбүтэ 90 сылыгар ананар «Халандаарга хара күн суох» бырайыак чэрчитинэн Намнааҕы оҕо библиотекатын бибилэтиэкэрэ Татьяна Михайлова “Кинигэлэрим” хоһоону ааҕар!
