05.03.2024

PRESS FEST

Ахсынньы ый 14 күнүгэр Н.М.Рыкунов аатынан улуустааҕы киин модельнай библиотекаҕа бастакытын «PRESS FEST» тэрээһин буолан ааста. Тэрээһиммит «Бэчээт эйгэтэ — Намҥа» төгүрүк остуол тула олорон хаһыат, сурунаал үлэһиттэрин кытта санаа атастаһыытынан, истиҥ кэпсэтиинэн саҕаланна. Кыттыыны ыллылар: “Кыым” хаһыаттан кылаабынай редактора Иван Иванович Гаврильев уонна хаһыат корреспондена Саргылана Ивановна Багынанова, “Якутия” хаһыаттан корреспондент Аламжи Баторович Будаев. Кэрэ аҥар барыта сөбүлээн ааҕар “Далбар хотун” сурунаалтан таһаарар редактор Юлия Ястеревна Пестрякова. Саха республикатын ГАУ «Сахапечать» таһаарар үлэҕэ отдел редактора Владислав Гаврильевич Касьянов уонна бары сөбүлээн ааҕар улуустааҕы “Эҥсиэли” хаһыаппыт кылаабынай редактора Лена Алексеевна Ноговицына. Ааҕааччыны кытта үлэлиир салаа библиотекарь Александра Парникова ааҕааччыларга мониторинг оҥорбутун түмүгүн сиһилии билиһиннэрдэ. Кэлбит ааҕааччыларбыт күннэтэ ааҕар хаһыаттарын үлэһиттэрин тутан олорон интириэһиргиир ыйытыыларын биэрэн тута хоруй ыллылар, хаһыаттарбыт инники сайдыыларыгар баҕа санааларын, этиилэрин эттилэр.


Бу күн “Сахамедиа” бөлөх тарҕатар отделын менеджерэ Светлана Семеновна Борисова “Саха сирэ”, “Якутия” хаһыаттартан чэпчэтиилээх сурутууну уонна “Эҥсиэли” хаһыаппыт үлэһиттэрэ суруттарбыт дьоҥҥо тута сүүйүүлээх лотереяны оонньоттулар. Ону сэргэ Почта России Намнааҕы филиала кэлэн подписка оҥорон нэһилиэнньэҕэ үтүө өҥөнү оҥордо.
Н.М.Рыкунов аатынан киин модельнай библиотека көҕүлээһининэн бастакытын улууспут олохтоохторугар “Эбээ бэлэҕэ” акция ыытылынна. Күндү эбээлэрбит акцияҕа кыттыһан «Кэскил» оҕо хаһыатыгар уонна “Чуораанчык” сурунаалга суруттаран туһалаах сонуннары ааҕалларыгар сиэннэргитигэр кэрэ бэлэх оҥордулар.


“Далбар Хотун” сурунаал таһаарар редактора Юлия Пестрякова “Фут Фотография” — остуолбут сандалы астарын, утахтарын профессиональнай хаартыскаҕа түһэрэргэ — маастар-кылаас ыыттан кыттыбыт ааҕааччыларбыт хаартыскаҕа түһэриигэ саҥа билиини ыллылар, үөрэннилэр. Уонна «Пресс фестиваль» күн «Намнар “Далбар хотуҥҥа”» выставка, кырачаан ааҕааччыларыгар анаан «Периодика дойдутугар айанныахха» выставкалар турдулар, Нам 2-с нүөмэрдээх орто оскуолатын онус кылааһын үөрэнээччилэрэ «ИнформКвиз» интеллектуальнай оонньууга кыттан сахабыт сирин хаһыаттарын, сурунаалларын тустарынан үгүһү билэн-көрөн тарҕастылар. Түмүккэ, «Пресс фестивальга» сылдьыбыт дьон инникитин да маннык тэрээһиннэр ыытылла туралларыгар баҕа санааларын этэн тарҕастылар

Мы используем cookie-файлы для наилучшего представления нашего сайта. Продолжая использовать этот сайт, вы соглашаетесь с использованием cookie-файлов.
Принять